Kalaboso ang isang karpintero sa isinagawang drug buy-bust operation ng Cotabato City Police Station 4 sa Purok Night Market, Mother Barangay Bagua, lungsod ng Cotabato kagabi.
Kinilala ang suspetsado na si Kinarang Mamarangkas Guiapal o alyas Kinarang, nasa hustong gulang, may asawa at residente ng naturang lugar.
Narekober ng kapulisan mula sa kanyang pag-iingat ang isang maliit na sachet ng supected shabu at nabawi rin ang perang ginamit sa nangyaring transaksyon.
Nakumpiskahan rin kay alyas Kinarang ang karagdagan pang medium sized sachet ng pinag hihinalaang shabu, isang glass tooter at lighter.
Nasa kustodiya na ng Cotabato City Police Station 4 ang suspek at kakaharapin nito ang kasong paglabag sa RA 9165 o Comprehensive Dangerous Drugs Act of 2002.
