Natagpuan ngayong araw, Pebrero 24, 2025, ang bangkay ng isang lalaking nasa advanced na estado ng pagkabulok sa Sitio Acfaon, Barangay Bunao, Tupi, South Cotabato.
Kinilala ang biktima bilang si Jay-Ar Tampal, 21 taong gulang at residente ng Purok 3, Bunap, Tupi, South Cotabato.
Ayon sa paunang imbestigasyon, si Tampal ay isang may espesyal na pangangailangan at naiulat na nawawala mula pa noong Pebrero 8, 2025.
Natunton ang bangkay matapos mapansin ng mga residente ang matinding amoy na nagmumula sa lugar.
Sa kasalukuyan, patuloy ang imbestigasyon ng mga awtoridad upang matukoy ang dahilan ng pagkamatay ng biktima.
