Matagumpay na naidaos ang Support Rally for Tatay Digong na inorganisa ng Bangsamoro Movement for Justice (BMJ) kagabi sa Cotabato City Plaza.
Dinaluhan ito ng libu-libong katao mula sa iba’t ibang grupo, bitbit ang kanilang mga placards na nananawagan ng pagrespeto sa Bangsamoro Autonomous Region in Muslim Mindanao (BARMM) mula sa kasalukuyang administrasyon at mga opisyal ng pamahalaan.
Ipinakita rin ng mga dumalo ang kanilang buong suporta kay dating Pangulong Rodrigo Duterte, na kasalukuyang nasa kustodiya ng awtoridad.
Nagpakalat naman ng pwersa ang Cotabato City Police upang matiyak ang kaayusan at seguridad ng pagtitipon. Sa kabuuan, naging mapayapa at maayos ang isinagawang rally, at walang naiulat na anumang insidente o kaguluhan
