Arestado sa isinasagawang checkpoint ng mga personahe ng Datu Odin Sinsuat PNP ang isang lumabag sa COMELEC Gunban sa Barangay Upper Capiton ng nasabing Munisipalidad.
Kinilala ang nahuling si Alyas Majinboo, 25-anyos at residente ng Barangay Tanuel.
Sa ulat ng kapulisan, sakay ng motor ang suspek at napadaan ito sa isang checkpoint at agad itong isinailalim sa inspeksyon kasama ang First PMFC.
Dito na tumambad sa ubox ng motor ang 38 Caliber Revolver, anim na bala nito at dalawang bala ng shotgun na nasa posesyon ng suspek
Nabatid na galing ang suspek sa Cotabato City at pauwi na ito sa kanilang lugar ng maharang ito sa checkpoint.
Nakatakdang sampahan si alyas Majinboo ng paglabag sa umiiral na COMELEC Gunban at paglabag sa RA 10591.
