Mainit na sinalubong kahapon, Hunyo 6, 2025, ni PMGEN Mark D. Pespes, Direktor ng Special Action Force (SAF), kasama ang buong Command Group, ang SAF Provisional Battalion Contingent na naitalaga sa Bangsamoro Autonomous Region in Muslim Mindanao (BARMM) para sa 2025 National at Local Elections.
Ginanap ang seremonya ng pagsalubong sa RDB New Building, Headquarters SAF Annex, sa Camp Bagong Diwa, Bicutan, Taguig City.
Sa kanyang mensahe, pinuri ni PMGEN Pespes ang mahalagang papel ng nasabing tropa sa pagpapanatili ng kapayapaan at kaayusan sa panahon ng halalan sa iba’t ibang lalawigan sa rehiyon ng BARMM. Ipinahayag din niya ang paghanga sa ipinamalas na dedikasyon, disiplina, at katapatan ng SAF contingent sa kanilang misyon—isang malinaw na repleksyon ng mga pangunahing halaga ng SAF: serbisyo, integridad, at kahusayan.
