Makakaranas ng maulap na kalangitan na may kalat-kalat na pag-ulan at pagkidlat-pagkulog ang buong Bangsamoro Autonomous Region in Muslim Mindanao (BARMM) ngayong hapon hanggang gabi, ayon sa pinakahuling weather forecast alas-5 ng hapon ngayong Pebrero 22.
Dulot ito ng umiiral na easterlies o hanging nagmumula sa silangan na nagdadala ng kaulapan at pag-ulan sa rehiyon.
Bunsod ng katamtaman hanggang sa minsang malalakas na pag-ulan, nagbabala ang mga awtoridad sa posibleng pagbaha at pagguho ng lupa, partikular sa mga lugar na mababa at bulubundukin.
Inaasahan naman ang mahinang hanggang katamtamang lakas ng hangin mula silangan hanggang hilagang-silangan na may bahagya hanggang katamtamang pag-alon sa karagatan, na aabot sa 0.6 hanggang 2.1 metro.
