Isang adult female Olive Ridley sea turtle ang ligtas na na-rescue at naibalik sa dagat noong March 12, matapos matagpuan na stranded sa isang palayan sa Purok Crismus, Barangay Nalus, Kiamba.
Bandang 6:00 AM, isang concerned resident ang nag-report sa isang miyembro ng Bantay Dagat matapos mapansin ang paglabas ng pagong sa rice field. Ayon sa mga eksperto, maaaring ang natural na instinct ng sea turtle na maghanap ng nesting site ang nagdala sa kanya sa palayan.
Kinilala ang sea turtle na may habang 66 cm at lapad ding 66 cm, isang adult female Olive Ridley. Agad na rumesponde ang mga tauhan mula sa Department of Environment and Natural Resources – CENRO Kiamba, Philippine National Police Maritime Group, Protected Area (PA) Rangers, at lokal na Bantay Dagat upang i-rescue ang hayop.
Matapos matiyak na walang nakikitang pinsala ang sea turtle, ligtas itong ibinalik sa dagat, pinanatili ang kaligtasan ng hayop at ang ecological balance sa lugar.
