Nakasagupa ng PNP ang halos P4M halaga ng smuggled cigarettes sa Brgy. Pinantao, Parang, Maguindanao del Norte ngayong araw ng Martes, Enero 20, 2026.
Naaresto ang dalawang suspek na lalaki, edad 42 at 48, matapos hindi makapagpakita ng anumang dokumento na nagpapatunay ng legalidad ng kargamento.
Sa initial inventory na isinagawa sa harap ng barangay official, PRO BAR Legal Service representative, at Bureau of Customs sa pamamagitan ng video conference, nabilang ang kabuuang 4,582 reams ng smuggled cigarettes na may tinatayang halaga na P 3,920,725.76.
Inilagay sa kustodiya ng Parang MPS ang mga nakumpiskang sigarilyo at ang sasakyan, at ihahain ang kaso para sa paglabag sa RA 10863 o Customs Modernization and Tariff Act at iba pang kaukulang batas.
Binigyang-diin din ng hepe ng PNP na ang smuggling ay hindi walang biktima dahil nakakaapekto ito sa kita ng gobyerno at nagtutulak sa iba pang ilegal na gawain, kaya’t malinaw ang mensahe: walang puwang para sa mga lumalabag sa batas at patuloy ang kapulisan sa pagtupad ng tungkulin nito.
