Na-rescue ng Philippine Coast Guard (PCG) ang isang trapped engine crew member matapos mag-capize ang MV Theresa I sa Berth 1, APO Cement Port sa Naga City, Cebu noong Marso 11, 2026.
Ayon sa ulat ng Coast Guard District Central Visayas (CGDCV), isinasagawa ng barko ang loading operations nang biglang umiling ang vessel sa panahon ng de-ballasting procedures. Nagdulot ito ng pag-shift ng cargo na naging sanhi ng pagkakapadapa ng barko.
Kinumpirma ng mga responders na isang engine crew member ang na-trap sa loob ng engine room. Agad na isinagawa ng PCG ang rescue operations at nailigtas ang crew member na agad binigyan ng medikal na atensyon.
Lahat ng 19 crew members sa barko ay nailigtas at ligtas na na-evacuate. Subalit, isang cement handler ang nasugatan matapos tamaan ng mooring line na pumutok sa gitna ng pagkakapadapa ng barko. Dinala siya sa pinakamalapit na ospital ngunit idineklarang dead on arrival ng doktor.
Upang maiwasan ang marine pollution, nag-deploy ang CGDCV ng 100 meters oil spill boom sa paligid ng barko at patuloy na minomonitor ang lugar para sa posibleng pagtulo ng langis.
Ang Coast Guard Sub-Station Naga, katuwang ang Naga City Disaster Risk Reduction and Management Office, ang nagsagawa ng mga response operations.
Ani CGDCV Commander Rear Admiral Agapito Bibat, PCG:
“Ang Philippine Coast Guard ay nananatiling committed sa pagpapanatili ng kaligtasan sa dagat, agarang pagtugon sa mga emerhensiya, at pagprotekta sa ating marine environment.”
