Nagsagawa ng isang matagumpay na pagsira ng mga ilegal na droga ang Philippine Drug Enforcement Agency (PDEA) Regional Office 11 sa Davao City bilang bahagi ng pagdiriwang ng Drug Abuse Prevention and Control Week 2025.
Sa pamumuno ni Regional Director Dir. III Edgar T. Jubay, ang mga nasamsam na droga, na nagkakahalaga ng kabuuang ₱4,020,036.48, ay itinapon sa pamamagitan ng thermal incineration noong Nobyembre 18, 2025, sa Cosmopolitan Funeral Homes, J. Camus Extension, Davao City.
Kasama sa mga sinirang iligal na droga ang 497.3788 grams ng shabu (₱3,382,175.84) at 5,303.8387 grams ng marijuana (₱637,860.64), pati na rin ang mga expired na gamot na nagkakahalaga ng ₱3,308. Ang aktibidad ay nagsilbing patunay ng transparency at tamang proseso ng disposal ng mga ebidensiya, at tinutulan ang mga alegasyong may kinalaman sa recycling ng droga.
Dumalo sa naturang okasyon ang mga mahahalagang opisyal tulad ng Hon. Marie Estrellita Tolentino-Rojas, Presiding Judge ng RTC Branch 17, mga kinatawan mula sa Department of Justice (DOJ), Public Attorney’s Office (PAO), mga lokal na opisyal, civil society, at mga miyembro ng media upang tiyakin ang pagiging bukas at tama ng proseso.
Inaasahan ng PDEA RO 11 na magpapatuloy ang kanilang pagsuporta sa kampanya ng gobyerno laban sa droga sa pamamagitan ng tamang pagkasira ng mga iligal na droga, upang hindi ito magamit muli at magdulot ng panganib sa kaligtasan ng mamamayan.
