Arestado ng mga otoridad ang isang impostor na pulis na nakasuot ng PNP Bush Coat o GOA type A uniform sa parking area ng Campo Fermin Lira Jr, Barangay Dadiangas West sa lungsod ng General Santos kamakalawa ng hapon.
Kinilala ang pekeng pulis na si alyas “Ed” na naging kalahok sa Mr. Tourism Gensan taong 2019.
Nahuli ang impostor matapos na usisain ito ng mga arresting officers at nabigo itong magpakita ng PNP ID.
Inamin naman ng suspek na sa online platform nya lang nabili ang mga uniporme at insignia. Dahil sa kalokohan nitong ginawa, nahaharap sa kasong Usurpation of Authority at Illegal Use of Uniform and Insignia ang suspek at himas rehas ito sa kasalukuyan.
