Kinatawan ng Pilipinas sa UAE SWAT Challenge 2026 ang PNP Special Action Force (SAF), isang international competition na dinaluhan ng 109 elite tactical teams mula sa 48 bansa.
Pinangunahan ni PCPT Allen D. Dao-Ines bilang Team Leader ang squad na kinabibilangan nina PLTCOL Ray V. Balcueva (OIC, RDB), PEMS Rene P. Soriano (BESPO, RDB), PSMS Jonathan Rex B. Accad (Coach), PMSg Ricson K. Saggut (Sniper), PCpl Alexis L. Bismonte (Sniper), PCpl Bruceley B. Balao (Assaulter), Pat Kevin T. Quezon (Assaulter), PCpl Jerome P. Gakayen (Assaulter), PCpl Sylvester Dayne D. Banguigui (Assaulter), at Pat Randall B. Tupac (Assaulter).
Sa kaganapang ginanap noong Pebrero 7–11, 2026, nakaposisyon ang PNP SAF Team sa ika-14 na pwesto sa UAE SWAT Challenge. Ayon sa talaan, patuloy ang pag-angat ng ranggo ng PNP sa global SWAT standings, ika-45 noong 2023, ika-34 noong 2024, ika-25 noong 2025, at ika-14 sa 2026 edition.
Ayon sa ulat, ang partisipasyon ng team ay bahagi ng pagsusuri sa tactical capabilities ng PNP sa pandaigdigang antas, kabilang ang coordination, precision, at field operations.
