Hindi na umabot sa 2025 ang isang Police Intelligence Officer ng pagbabarilin ito at mapatay on the spot ng dalawang suspek habang nasa isang tindahan sa Barangay Poblacion Uno, Lebak Sultan Kudarat kamakalawa.
Kinilala ng SK Provincial Police Office ang kanilang kabaro na si Staff Master Sergeant Louie Noble na nakatalaga sa Lebak MPS.
Nagsasagawa ng pagmamanman o surveillance si Noble sa isang peryahan kasama pa ang ibang mga ahenteng sibilyan ng lapitan ito ng suspek at binaril. Tama sa ulo ang agad na ikinasawi ni Noble bukod pa sa tama ng bala sa katawan nito.
Sugatan naman sa naturang pangyayari ang tatlong di na kinilalang mga sibilyan na naninirahan sa Lebak. Nakarekober ng sampung empty shells ng Kalibre 45 at 40 na pistola ang mga kawani ng SOCO at patuloy pa ang imbestigasyon ng Lebak MPS sa pangyayari.
Isa sa mga posibleng anggulo ng pagpatay kay Noble ay ang nature of work nito bilang intel officer o tagapagmanman ng kapulisan.
