Aabot sa 11 na mga pwesto ang tila ay naglahong parang bula sa nagngangalit na apoy sa sunog na naganap sa Nuro Public Market sa Edward Street, sa Barangay Nuro ng nasabing bayan base sa kumpirmasyon ng Maguindanao BFP.
Ayon sa tala, 1:18 ng hapon kahapon ng nagsimula ang sunog at naapula ito dakong 1:40 ng hapon. Sa inisyal na imbestigasyon ng BFP, isa sa mga nasunog na stall ay nagbebenta ng paputok ngunit patuloy pa rin nila itong biniberipika.
Posibleng umabot sa malaking halaga ang danyos perwisios ng nasabing sunog dahil nakapagtala ng mahigit sa 100, 000 na halaga ng danyos ang ahensya.
Nabiktima naman ng second degree burn ang isang Israel Ronda at nagpapagaling na sa ospital. Nagpaalala naman ang BFP na magdoble ingat ang publiko lalot malapit na aniya ang pagsalubong sa bagong taon at wala aniyang pinipili na panahon at oras ang nasabing sakuna na dulot ng sunog.
