Inabutan ng tulong ang sanggol na inabandona sa bayan ng Makilala kamakalawa na nasa pangangalaga ng RHU Makilala.
Isa sa kumasa sa tawag ng pagtulong sa bata si Bb. Via Bugas Rulona na nagpaabot ng tulong kay Baby Joshua na nangangailangan ng karagdagan na tulong.
Nanawagan din si Rulona na kung sino man ang maaring tumulong kay Baby Joshua, ipaabot lamang daw ito sa RHU at MSWD Makilala na siyang nangangalaga sa sanggol.
Ang kailangan ni Baby Joshua ay gatas ng ina, diaper, damit maging ang mga lampin.
