Nasunog ang isang starex van na nakaparada lamang sa bahagi ng isang kalye sa Barangay Rosary Heights 7, Cotabato City kahapon. Agad naman na rumesponde ang mga kawani ng Barangay maging ng mga pamatay sunog sa siyudad upang maapula ang nagngangalit na apoy.
Umabot naman sa P200,000.00 ang halaga ng nasirang ari arian base sa estimasyon ng BFP ng siyudad habang maswerteng walang nadamay o nasaktan sa insidente.
Patuloy pa sa pagiimbestiga ang mga arson investigators ng City Fire Department upang matukoy ang sanhi ng pagkakasunog ng sasakyan.
