“Sus ginoo!” — ito ang agad na naging reaksiyon ng aktres na si Shaira Diaz matapos masaksihan ang nakakagulat na stunt ng kanyang fiancé na si EA Guzman sa isang fashion show na ginanap kamakailan.
Hindi napigilan ni Shaira ang kanyang pagkabigla sa naging pasabog ni EA habang rumarampa ito sa runway. Ang longtime couple ay parehong bahagi ng fashion event at rumampa kasama ang ilang kilalang personalidad sa industriya, ngunit ang stunt ni EA ang talaga namang pumukaw sa atensyon ng lahat.
Suot ang isang purple na underwear, ipinasilip ni EA ang kanyang toned na katawan. Ngunit ikinagulat ng mga manonood ang biglaang pagtaas niya ng kanyang suot at pagpapakita ng kanyang likuran—isang stunt na hindi inaasahan ng marami, lalo na ni Shaira.
Dahil sa nakakatuwang pangyayari, agad nag-post si Shaira sa kanyang Facebook ng kanyang reaksiyon na ikinatuwa rin ng mga netizen. Umani ito ng mga positibong komento at good vibes online.
Marami ang natuwa sa pagiging sport ni Shaira at sa confidence ni EA sa stage—isang patunay ng kanilang strong chemistry bilang couple on and off the runway.
