Patay on the spot ang isang sibilyang lalaki habang himalang nailigtas ng isang sundalo ang kanyang sarili ng pagbabarilin ang mga ito sa Baryo Dapantis, Rajah Buayan, Maguindanao del Sur tanghali kahapon, araw ng Linggo.
Kinilala ni MDSPPO Provincial Director Col. Ryan Bobby Paloma ang nasawi na si Jabber Amil Ambal na taga Dapantis habang kinilala din nito ang sundalo na may alyas na Sgt. Calib na kasapi ng 33rd IB.
Ayon sa ulat, makikipagkita lang sana ang sundalo sa dati nitong tipster ng walang habas ay pinagbabaril na sila ng mga suspetsadong riding in tandem na ikinasugat ng sundalo at ikinamatay on the spot ni Ambal na nataong nasa lugar ng maganap ang insidente.
Nagpapagaling na si Sgt. Calib habang patuloy naman ang paggulong ng imbestigasyon ng kapulisan sa insidente.
