Nagpapatuloy ang sunod-sunod na lindol sa karagatang sakop ng Sultan Kudarat simula nitong Enero 2026.
Ayon sa Phivolcs, umabot na sa 765 ang naitalang pagyanig hanggang alas‑6 ng umaga ng Enero 23. Sa bilang na ito, 234 ang napatunayan o na-monitor ng higit sa dalawang seismic devices, habang 30 naman ang naramdaman ng mga residente sa Lebak at Kalamansig.
Ang lakas ng mga lindol ay nasa pagitan ng Magnitude 1.4 hanggang 5.2. Bagama’t hindi ito itinuturing na malakas, nagdulot pa rin ito ng pangamba sa mga lokal.
Pinapaalalahanan ng mga otoridad ang publiko na manatiling alerto at sumunod sa mga abiso ng lokal na pamahalaan. Patuloy ang pagbabantay ng Phivolcs at inaasahang magbibigay ng karagdagang update sa mga susunod na araw.
