Arestado ang 48-anyos na lalaki na mayroong limampu’t anim na kaso ng pagpatay sa Barangay Making, Parang, Maguindanao del Norte noong Pebrero 3, 2025, 9:00 ng umaga.
Ang suspek ay kinilalang si PO1 Kadir, tubong Shariff Aguak, Maguindanao del Sur, ay may Warrant of Arrest na inilabas ng RTC Branch 221, Quezon City, noong Abril 21, 2010.
Natunton ng mga otoridad ang kanyang kinaroroonan noong Enero 29, 2025, matapos makatanggap ng tip mula sa isang concerned citizen.
Sa isang pinagsanib na operasyon ng Parang MPS, RIU 15, RIU 12, PIT Sultan Kudarat, at RID BAR, matagumpay na nadakip ang suspek.
Matapos ipaalam sa kanya ang kanyang mga karapatan, siya ay dinala sa Parang MPS para sa proseso ng kanyang kasong kinakaharap.
