Patay ang isang motornapper matapos na manlaban ito sa mga sundalo sa isang AFP checkpoint sa Sitio Mamental na boundary ng Barangay Ginatilan at Balong sa bayan ng Pikit, North Cotabato, umaga kahapon.
Kinilala ang suspek na si alyas Kabuto, 24 anyos at residente sa nabanggit na lugar.
Pinara lamang di umano ng mga sundalo ng AFP sa pamamagitan ng isang checkpoint ang suspek matapos na mapansing walang susi ang minamaneho nitong Raider 150 ngunit imbis na magpakita ng dokumento, dito na bumunot ng baril ang suspek sanhi upang dumepensa ang mga sundalo at paputukan ito.
