Matagumpay na naaresto ng pinagsanib na puwersa ng mga operatiba ng Datu Piang Municipal Police Station ang isang lalaking akusado sa kasong pagpatay na kabilang sa Top 5 Most Wanted Persons ng Maguindanao del Sur Police Provincial Office (PPO).
Kinilala ang suspek sa alyas na “Traktor,” na nadakip ngayong araw, Hunyo 18, 2025, sa Barangay Buayan, Datu Piang, Maguindanao del Sur sa bisa ng warrant of arrest para sa kasong murder. Ang warrant ay inilabas ng isang korte sa Cotabato City at walang inirekomendang piyansa para sa kanyang pansamantalang kalayaan.
Ang operasyon ay isinagawa sa pangunguna ni PMAJ Andre Marie A. Angeles, hepe ng Datu Piang MPS, katuwang ang Provincial Intelligence Unit, 1st PMFC, Maguindanao del Sur Provincial Intelligence Team (MDSPIT), at Regional Intelligence Unit 15. Ang aksyon ay batay sa direktiba ni PCOL Ryan Bobby C. Paloma, Provincial Director ng Maguindanao del Sur PPO.
Si “Traktor” ay itinuturing na Top 4 Most Wanted sa Datu Piang at Top 5 Most Wanted naman sa buong lalawigan.
Sa ngayon, nasa kustodiya na ng mga awtoridad ang suspek habang hinihintay ang pormal na paglilitis ng kanyang kaso sa korte.
