Dumalaw sa headquarters ng 6th Infantry (Kampilan) Division ng Philippine Army si Major General Danilo Dumlao Benavides, ang kasalukuyang Commander ng Philippine Army Training and Doctrine Command (TRACOM), nitong Hulyo 24, 2025.
Pagdating niya sa Kampo, sinalubong si Maj. Gen. Benavides ng mainit na pagtanggap at military honors mula sa mga opisyal, enlisted personnel, at civilian human resource ng 6ID.
Sa Hall of Flags, pormal siyang tinanggap ni Brigadier General Patricio Ruben P. Amata, Assistant Division Commander ng 6ID at Joint Task Force Central (JTFC), kung saan nagkaroon ng maikling pakikipag-ugnayan at courtesy exchange. Pinagtibay ng naturang engkwentro ang matibay na ugnayan sa pagitan ng TRACOM at Kampilan Division.
Si Maj. Gen. Benavides ay miyembro ng Philippine Military Academy “SAMBISIG” Class of 1991. Bukod sa pagiging dating Deputy Commander ng TRACOM, nagsilbi rin siya bilang Assistant Chief of Staff for Intelligence (G2) ng 6ID, Commander ng 6th Military Intelligence Battalion, at Assistant Division Commander ng 5th Infantry Division.
Sa buong serbisyo niya, tumanggap siya ng maraming pagkilala — kabilang dito ang Distinguished Service Star, Bronze Cross Medal, Silver Wing Medal, at iba pang awards at commendations mula sa militar at mga sibilyang institusyon, bilang patunay ng kanyang husay sa combat at administrative leadership.
Layunin ng kanyang pagbisita na higit pang patibayin ang koordinasyon sa operasyon at ang patuloy na pagsusulong ng kahusayan sa pagsasanay at pamumuno sa hanay ng 6ID at JTFC.
