Umabot sa 215 na miyembro ng House of Representatives ang bumoto pabor sa impeachment ni Vice President Sara Duterte.
Sa kabuuang 318 na mambabatas sa Kamara, nalampasan nila ang kinakailangang 102 boto upang maisulong ang impeachment case.
Kabilang sa mga bumoto ay 255 na kinatawan mula sa mga distrito at 63 mula sa party-list groups.
Ayon sa mga alituntunin ng impeachment, sapat na ang one-third ng kabuuang bilang ng mga kongresista upang maisulong ang kaso sa Senado.
Dahil dito, agad nang pumili ang Kamara ng mga opisyal na magsisilbing taga-usig sa impeachment trial.
Narito ang ilan sa mga napiling taga-usig:
Rep. Gerville Luistro
Rep. Romeo Acop
Rep. Rodge Gutierrez
Rep. Joel Chua
Rep. Raul Angelo Bongalon
Rep. Loreto Acharon
Rep. Marcelino Libanan
Rep. Arnan Panaligan
Rep. Isabel Maria Zamora
Rep. Lawrence Defensor
Rep. Jonathan Keith Flores
Matapos ang botohan, inaasahang ipadadala na sa Senado ang opisyal na reklamo.
Sa oras na matanggap ito, magtitipon ang mga senador bilang Impeachment Court, na siyang lilitis sa kaso ni VP Sara Duterte.
Sa ngayon, wala pang inilalabas na pahayag ang kampo ng Bise Presidente tungkol sa resulta ng botohan.
Patuloy namang nakabantay ang publiko sa magiging susunod na hakbang sa proseso ng impeachment.
