Naisampa na ang mga kaso laban sa mga suspek sa pamamaril kay Michael Pusaka at apat pang iba sa Jose Lim Street, Poblacion 5, Cotabato City.
Kinumpirma ng Cotabato City Police Office na inihain ang reklamo sa Office of the City Prosecutor sa ilalim ng Docket Numbers 2025-L-04708 hanggang 2025-L-04709 na may petsang Disyembre 1, 2025.
Sakop ng reklamo ang mga tinukoy na suspek at ilang John Does na umano’y sangkot sa insidente noong Setyembre 16, 2025 alas-10:05 ng umaga.
Ang mga dokumento ay pirmado at pinagtibay ni City Prosecutor Atty. Aliana Arnica A. Mambatao.Inaasahang maglalabas ng warrant of arrest laban sa mga akusado batay sa evaluation ng ebidensya ng hukuman.
Patuloy namang nagsasagawa ng validation at follow-up investigation ang Police Station 1 upang matukoy ang pagkakakilanlan ng iba pang mga sangkot.
Tiniyak ng CCPO na kanilang paiiralin ang transparency, due process at paggalang sa batas habang hinihintay ang resolusyon ng piskalya.
