Patay si misis habang kritikal si mister ng kaladkarin ng isang wing van ang kanilang sinasakyang motorsiklo sa bayan ng Mlang, North Cotabato.
Sa ulat ng M’lang PNP, nagsasagawa ng routinary checkpoint ang kanilang tropa ng mapansing nakahazard ang wing van at biglang kaladkarin nito ang motorsiklo na kinilalang sina Annabel at Ian Salde.
Kinilala naman ang driver ng wing van na nakakaladkad sa kaawa awang magasawa na si Artemyi Amonato, residente ng siyudad ng Cagayan De Oro.
Binawian ng buhay si Annabel sa inabot nitong mga sugat sa katawan habang naisugod pa sa hospital ang mister nito na nagaagaw buhay sa tinamo nitong malubhang sugat.
Ayon sa salaysay ng driver ng wingvan, isinisi nito sa nawalang preno ang pagkakakaladkad nito sa magasawa at damay din sa pinsala ang harapang bahagi ng patrol car ng M’Lang PNP.
Kasalukuyang nasa kustodiya na ng pulis ang driver ng Wingvan para sa kaukulang disposisyon at gagawin.
