Magbabalik ang BTS sa Pilipinas para sa kanilang world tour sa 2027!
Sa anunsyo ng Big Hit Music, nakalista ang Manila bilang venue para sa dalawang araw na concert sa Marso 13-14.
Ang BTS World Tour 2026-2027 ang kanilang unang global performance matapos makumpleto ang mandatory military service sa South Korea.
Huling nag-perform ang BTS sa Manila sa Mall of Asia Arena noong 2017 para sa “BTS Live Trilogy Episode III: The Wings Tour.”
Binubuo ang K-Pop supergroup nina RM, Jin, j-hope, Jimin, Suga, V, at Jungkook.
Abangan din ang kanilang ikalimang album na ilalabas sa Marso, matapos ang hiatus ng grupo simula 2022. Ayon sa kamakailang anunsyo ng BigHit Music, ang bagong album ay may 14 tracks.
“The members were deeply involved in the creation of the songs, infusing their own thoughts and colors into them while musically expressing the emotions and struggles they have experienced along their journey,” ayon sa BigHit.
“Filled with the music that’s most true to BTS, the album is their heartfelt way of saying thank you to ARMY, who have been there this whole time,” dagdag pa ng label.
Available na para sa pre-order ang album simula Enero 16 sa South Korea (11:00 a.m.), o 10:00 a.m. sa oras ng Pilipinas.
