Naglabas ng thunderstorm advisory ang PAGASA para sa Cotabato City nitong alas-5:10 ng hapon ng Mayo 17, 2026.
Batay sa advisory na ilibasan sa Cotabato City Disaster Risk Reduction and Management Office, inaasahan ang mahina hanggang malakas na pag-ulan na may kasamang pagkulog, pagkidlat, at malalakas na hangin sa loob ng isa hanggang dalawang oras.
Nagbabala rin ang PAGASA sa posibleng epekto ng sama ng panahon kabilang ang flash floods at landslides lalo na sa mga mabababang lugar at flood-prone areas.
Pinapayuhan naman ang publiko na magsagawa ng kinakailangang pag-iingat at patuloy na subaybayan ang mga susunod pang weather updates mula sa mga awtoridad.
