Nararanasan ang maulang panahon sa Cotabato City ngayong umaga ng Martes Oktubre 20, dulot ng Localized Thunderstorms, na maaaring magdala ng mga pag-ulan at pagkidlat-pagkulog sa ilang bahagi ng Mindanao, kabilang ang Bangsamoro Autonomous Region in Muslim Mindanao (BARMM).
Batay sa weather forecast ng Philippine Atmospheric, Geophysical and Astronomical Services Administration (PAGASA), inaasahan ang bahagyang maulap hanggang sa maulap na kalangitan, na may mga panaka-nakang pag-ulan o pagkidlat-pagkulog.
Dahil sa naturang kondisyon, posible ang biglaang pagbaha at pagguho ng lupa, lalo na kung magiging malakas ang mga thunderstorm.
Pinapayuhan ang mga residente ng Cotabato City at mga karatig-lugar na mag-ingat, partikular sa mga lugar na madaling bahain, at manatiling updated sa mga abiso ng PAGASA at mga lokal na awtoridad.
Patuloy na pinapaalalahanan ang publiko na unahin ang kaligtasan sa harap ng pabago-bagong lagay ng panahon.
