Inaasahang libu-libong miyembro at supporters ng Moro Islamic Liberation Front o MILF ang lalahok sa isang “Emergency Rally” na nakatakdang isagawa bukas, Mayo 18, sa ORC Compound sa harap ng Bangsamoro Government Center.
Batay sa kumakalat na paanyaya online, inaanyayahan ng MILF ang mga miyembro ng MILF/BIAF, supporters, at iba pang nais makiisa sa naturang aktibidad.
Ayon sa anunsyo, alas-6:00 ng umaga magsasagawa ng assembly sa Sayre Highway malapit sa Academy bago magtungo ang mga kalahok sa venue ng programa.
Hindi naman tinukoy sa inilabas na paanyaya ang eksaktong layunin ng emergency rally.
Samantala, hinikayat ng mga awtoridad ang publiko na agad makipag-ugnayan sa mga kinauukulan kung may mapapansing anumang banta sa seguridad upang mapanatili ang kaayusan at kaligtasan sa lugar.
