Arestado ang tatlong lalaki matapos makuhanan ng tinatayang Php 467,160 halaga ng shabu sa isang anti-illegal drugs operation sa Brgy. Buayan, Datu Piang, Maguindanao Del Sur.
Ayon sa ulat, pinangunahan ni PCPT Oriel A. Siangco, Chief of Police ng Datu Piang Municipal Police Station, ang operasyon sa koordinasyon ng mga tropa mula sa 38th Infantry Battalion, 6th Infantry Division, Philippine Army. Nahuli ang mga suspek habang sakay sa isang Mitsubishi Xpander, na kilala sa alyas na “Hassan,” “Kahar,” at “Bolao,” lahat nasa legal na edad.
Sa inspeksyon, nahanap sa kanila ang humigit-kumulang 68.7 gramo ng pinaghihinalaang shabu, na may tinatayang street value na Php 467,160.00.
Ang mga nakumpiskang droga at mga suspek ay kasalukuyang nasa kustodiya ng Datu Piang Municipal Police Station para sa tamang dokumentasyon, paghahain ng kaukulang kaso, at final disposition alinsunod sa Republic Act 9165 o Comprehensive Dangerous Drugs Act of 2002.
Ayon sa Maguindanao Del Sur Provincial Police Office sa ilalim ng pamumuno ni PCOL Michael John C. Mangahis, Acting Provincial Director, ang matagumpay na operasyon ay bahagi ng patuloy at pinalakas na kampanya laban sa ilegal na droga upang mapanatili ang katahimikan at kaayusan sa buong lalawigan.
