Magkakasabay na nagpatupad ng pagtaas sa presyo ng kanilang mga produkto ang mga kumpanya ng langis ngayong araw, Hulyo 22.
Epektibo kaninang alas-6 ng umaga, tumaas ng ₱0.40 ang presyo sa kada litro ng gasolina. Samantala, mas mataas ang inakyat ng diesel na umabot sa ₱1.40 kada litro. Hindi rin nakaligtas ang kerosene na may dagdag-presyong ₱0.70 kada litro.
Ayon sa Department of Energy (DOE), ilan sa mga pangunahing dahilan ng oil price hike ay ang pagtaas ng steady outlook ng Organization of the Petroleum Exporting Countries (OPEC) sa demand ng langis sa global market.
Bukod dito, nakaapekto rin ang pagpataw ng mataas na taripa ni dating US President Donald Trump sa ilang bansa, gayundin ang patuloy na tensyon sa rehiyon ng Gitnang Silangan — na kilalang malaking supplier ng langis sa buong mundo.
Patuloy na pinapayuhan ang publiko na maging masinop sa paggamit ng enerhiya at mag-monitor sa mga susunod pang galaw sa presyo ng langis.
