Hindi pa natutukoy ng National Grid Corporation of the Philippines (NGCP) ang ugat ng aberya sa Sultan Kudarat–Datu Saudi Ampatuan 69-kilovolt transmission line na nagdulot ng biglaang power interruption bandang alas-2:28 ng hapon ngayong Lunes, Oktubre 19.
Apektado ng pagkawala ng kuryente ang buong service area ng Cotabato Light and Power Company (CLPC) at ang Capiton Substation ng Maguindanao Electric Cooperative (MAGELCO).
Ayon sa NGCP, nabigo ang pagtatangkang ibalik sa operasyon ang linya bandang alas-2:45 ng hapon kaya nagpadala na ng mga tauhan sa lugar para sa inspeksiyon at beripikasyon.
Patuloy ang pagsisikap ng NGCP na maibalik ang suplay ng kuryente sa lalong madaling panahon, ngunit wala pang inilalabas na tiyak na oras para sa restoration.
