Nagbabala si City Transportation and Traffic Management Center (CTTMC) Chief Muin Nul sa mga motorista sa Cotabato City na bukod sa tiket, maaari na ring maharap sa wheel clamping ang mga lalabag sa mga patakaran sa trapiko.
Sa kanyang pahayag ngayong Martes, Oktubre 13, hinimok ni Nul ang mga Cotabateño na sumunod sa mga umiiral na traffic rules upang maiwasan ang mga parusa.
Binigyang-diin ni Nul na bahagi ng tungkulin ng CTTMC ang mahigpit na pagpapatupad ng mga patakaran sa trapiko at hindi maaaring pabayaan ang mga paglabag.
Dahil dito, pinaalalahanan ang mga motorista na maging responsable sa paggamit ng kalsada at sumunod sa mga regulasyon upang maiwasan ang karagdagang abala at parusa.
