225 na miyembro ng Moro Islamic Liberation Front (MILF) na bahagi ng Joint Peace and Security Team (JPST) ang nagtapos ng dalawang linggong Refresher Course sa 6th ID Training School sa Barangay Semba, Datu Odin Sinsuat, Maguindanao Del Norte.
Layunin ng pagsasanay na ito na masuri ang kaalaman ng mga miyembro sa pagpapalaganap ng kapayapaan at seguridad, pati na rin upang ma-update sila sa kanilang mga misyon kasama ang mga pwersang panseguridad ng gobyerno, lalo na’t may mga bagong hamon na nauugnay sa seguridad sa darating na halalan.
Ang mismong 6ID Commander na si BGen. Donald Gumiran ang nanguna sa seremonya ng pagtatapos.
Bilang bahagi ng kanilang tagumpay, tumanggap din ng tulong ang mga nagtapos mula sa Alab Program ng Project Tabang ng BARMM Government.
