Nagpaabot ng pagbati ang Bangsamoro Federalist Party sa sambayanang Muslim kaugnay ng pagdiriwang ng Eid’l Adha, kasabay ng panawagan na isabuhay ang diwa ng sakripisyo, pagtitiis, at pagtitiwala sa Allah.
Sa mensahe ng BFP, binigyang-diin ang kahalagahan ng pagsasabuhay ng pagiging mapagkalinga at makatao sa araw-araw na pamumuhay bilang bahagi ng diwa ng pagdiriwang.
Ipinahayag din nito ang hangaring maging makabuluhan ang paggunita sa Eid’l Adha para sa bawat pamilya, nawa’y mapuno ito ng kasiyahan, kapanatagan, at pag-asa para sa higit na maayos na kinabukasan ng sambayanang Muslim.
Binigyang-diin pa ng partido ang kahalagahan ng pagkakaisa at pagtutulungan sa pagpapatatag ng komunidad at sa pagsusulong ng kapayapaan at kaunlaran para sa Bangsamoro.
Kasabay nito, nagpaabot ang Bangsamoro Federalist Party ng pagbati ng mapayapa at makabuluhang pagdiriwang ng Eid’l Adha sa buong Bangsamoro.
