Naglabas na ng pinakahuling Hourly Heat Index Monitoring ang PAGASA para sa Cotabato City alas-2 ng hapon ngayong April 14, 2026.
Ayon sa ahensya, umabot sa 45 degrees Celsius ang heat index sa lungsod—antas na kabilang sa “danger level” na maaaring magdulot ng seryosong panganib sa kalusugan.
Kaugnay nito, mahigpit na pinapayuhan ang lahat na manatili sa loob ng bahay kung maaari, lalo na sa oras ng matinding sikat ng araw.
Pinapaalalahanan din ang publiko na uminom ng maraming tubig upang maiwasan ang heat stress at heat stroke.
Binigyang-diin ng PAGASA na mahalagang maging maingat sa kasalukuyang kondisyon ng panahon at agad na kumilos sakaling makaramdam ng sintomas ng matinding init.
