Malugod na tinanggap ni PBGEN Jaysen C. De Guzman, Regional Director ng Police Regional Office–Bangsamoro Autonomous Region (PRO-BAR), si Mr. Frank Johansen, Chief of Staff ng Independent Decommissioning Body (IDB), kasama ang kaniyang delegasyon, sa isang courtesy call na ginanap sa PRO-BAR Lounge, Camp BGen Salipada K. Pendatun, Parang, Maguindanao del Norte noong Oktubre 17, 2025.
Ang nasabing pagbisita ay nagpapakita ng kahalagahan ng patuloy na pagtutulungan sa pagitan ng PRO-BAR at IDB upang mapalakas ang mga inisiatibo para sa kapayapaan at seguridad sa rehiyon ng Bangsamoro, lalo na sa pagsuporta sa nagpapatuloy na proseso ng normalisasyon at decommissioning ng mga dating kasapi ng armadong grupo.
