Isang 30-anyos na magsasaka na nakilala bilang si “Jaybe” mula sa Barangay Baka ang binaril at napatay nang walang dahilan habang nakasakay sa kanyang motorsiklo sa Sitio Ampatuan, Barangay Bogued, Datu Odin Sinsuat, Maguindanao del Norte, nitong Pebrero 5, bandang 3:35 ng hapon.
Ayon sa imbestigasyon, isang hindi kilalang suspek na sakay din ng motorsiklo ang sumunod kay Jaybe at paulit-ulit na pinaputukan siya. Narekober sa lugar ng krimen ang isang fired cartridge case at isang unfired ammo, pinaniniwalaang mula sa caliber .45 na baril. Pagkatapos ng insidente, agad na tumakas ang suspek.
Agad na rumesponde ang DOS MPS kasama ang Scene of the Crime Operatives mula sa RFU BAR Cotabato at nagsagawa ng ocular inspection. Patuloy ang hot pursuit operation para mahuli ang suspek at nakikipag-ugnayan ang imbestigador sa posibleng mga saksi.
Ang labi ng biktima ay naibigay na sa kanyang pamilya para sa tradisyunal na Islamic burial rites.
