Nakipagpulong si Bangsamoro Federalist Party (BFP) Cotabato City Chapter President MP Atty. Naguib Sinarimbo sa mga punong barangay ng Cotabato City noong June 13, 2026 sa Cafe Mindanaw.
Layunin ng pagpupulong na palakasin ang ugnayan at pakikipagtulungan ng BFP sa mga lokal na opisyal ng barangay, kaugnay ng pagsusulong ng mga adbokasiya at programa ng partido para sa mamamayan.
Sa naturang pulong, tinalakay ang mga mahahalagang isyung pangkomunidad at ang papel ng mga barangay bilang katuwang sa pagpapalaganap ng adbokasiyang nakatuon sa mabuting pamamahala, inklusibong pag-unlad, at mas malawak na partisipasyon ng mamamayan sa mga usaping pampubliko.
Nagkaroon din ng bukas na talakayan kung saan naibahagi ng mga punong barangay ang kanilang mga pananaw at mungkahi upang higit pang mapalakas ang koordinasyon sa antas ng komunidad.
Binigyang-diin ni MP Sinarimbo ang kahalagahan ng matibay na ugnayan sa mga lokal na pamahalaan upang mas epektibong maiparating at maisakatuparan ang mga layunin at adbokasiya ng Bangsamoro Federalist Party para sa kapakinabangan ng mga mamamayan ng Cotabato City at buong Bangsamoro region.
