Itinanggi ng Office of the Governor ang kumakalat na impormasyon tungkol sa umano’y pamamaril sa Isulan National High School.
Sa ipinadalang mensahe sa Star FM Cotabato ng News, Media and Press Office ng gobernador ng Sultan Kudarat, sinabi nitong na-verify na false ang naturang impormasyon.
Hiniling din ng tanggapan sa mga nag-post ng ulat na pansamantalang alisin ito upang maiwasan ang pagkalito, pangamba at hindi kinakailangang alarma sa mga magulang, estudyante, guro at komunidad.
Nanawagan din ang tanggapan sa media at publiko na huwag munang mag-repost o magpakalat ng karagdagang impormasyon hinggil sa insidente habang wala pang inilalabas na opisyal na ulat ang Isulan Municipal Police Station.
Binigyang-diin ng tanggapan na partikular na mahalaga ang pagberipika ng impormasyon dahil may kinalaman ito sa kaligtasan ng mga estudyante at ng school community.
Pinayuhan ang publiko na hintayin ang opisyal at beripikadong impormasyon mula sa pulisya bago maglabas o magbahagi ng anumang update.
