Iniimbestigahan ng mga awtoridad ang naiulat na umano’y insidente ng putukan sa Isulan National High School sa Isulan, Sultan Kudarat ngayong araw Setyembre 30, 2026.
Ayon sa Department of Education Schools Division of Sultan Kudarat, kontrolado na ang sitwasyon at ligtas ang lahat, habang wala namang naiulat na nasugatan o nasawi.
Patuloy ang imbestigasyon ng mga awtoridad upang matukoy ang totoong nangyari at ang mga pangyayari na nakapaligid sa insidente.
Bilang pag-iingat, sinuspinde ng Local Government Unit o LGU ng Isulan ang face-to-face classes ngayong hapon hanggang sa susunod na abiso.
Hinimok naman ng DepEd ang publiko na manatiling kalmado at iwasang magbahagi ng mga impormasyong hindi pa beripikado.
Patuloy ding minomonitor ng Schools Division Office ang sitwasyon at nakikipag-ugnayan sa mga kinauukulang awtoridad para sa mga susunod na update.
