Tuloy-tuloy ang pagpapatupad ng wheel clamping sa mga sasakyang ilegal na nakaparada sa mga pedestrian lane at iba pang lugar na hindi pinahihintulutang paradahan sa Cotabato City.
Pinaalalahanan ang mga motorista na iwasang magparada sa mga pedestrian lane at sa mga lugar na nakahahadlang sa daloy ng trapiko.
Saklaw din ng pagpapatupad ang mga nakahambalang o hindi maayos na nakapuwestong payong ng mga vendor na lumalampas sa itinakdang puwesto.
Hinimok ang mga motorista at vendor na makipagtulungan at sumunod sa umiiral na mga regulasyon upang mapanatili ang kaayusan sa kalsada at maiwasan ang pagsisikip ng trapiko.
Binigyang-diin ng awtoridad na magpapatuloy ang naturang operasyon bilang bahagi ng pagsisikap na mapabuti ang daloy ng trapiko sa lungsod.
