Hagip sa CCTV ang naganap na self accident na kinasangkutan ng isang pulang trisikel sa national highway ng Brgy. La Esperanza sa bayan ng Tulunan, Cotabato kahapon.
Biyaheng Mlang ang trisikel ng maganap ang insidente.
Makikitang bumangga ito sa poste ng isang solar light post at gumulong papuntang palayan ang nasabing trisikel.
Narescue naman ito batay sa post ni Kapitan Erwin Anggulo at napagalaman pa sa kapitan na nakainom ng ihi ng diyablo o alak ang nasabing driver.
Mirakulong di nasaktan ang naturang lasing na tsuper.
