Nanguna sa pagtiklo ng isang drug suspek ang mga operatiba ng Cotabato City PNP Station 1 kahapon sa Barangay Rosary Heights 1 sa lungsod.
Kinilala ni Kagawad James Morales ang suspek na si Eduardo Aviles Oliver, 47 anyos at nakatira sa mismong barangay. Nahuli si Oliver sa bisa ng ikinasang drug buybust ng kapulisan dahil matagal na aniya itong tinitiktikan ng kapulisan.
Kaugnay nito, umapela si Kagawad Morales sa mga ayaw pang magbago at sumusubok pa rin ng ipinag babawal na droga na magbago na upang di na mapahamak at malagay sa asunto.
