Tiklo sa sideline nito na pagbebenta ng iligal na droga ang isang tsuper ng habal habal na kinilalang alyas Tall, 36 na mula pa sa Bagua 3, Cotabato City matapos na mapasakamay ito ng mga operatiba ng City Police Drug Enforcement Unit o CPDEU.
Sa eksena ng suspek, may susunduin itong pasahero kuno sa bahagi ng Jose Lim Sr. Street na sakop na ng Barangay Poblacion Singko pero sa katunayan, isa itong pakulo upang kitain nito ang kliyente nito na bebentahan nya sana ng tatlong pakete ng suspetsadong shabu.
Sa pagaakala ng suspek na kikita ito sa kanyang lihim na raket, binutata agad ito ng pulisya at pinusasan ito ng isang police poseur buyer na nakatransaksyon nito.
Nabawi ng kapulisan ang mga iligal na shabu at ang perang ginamit sa transaksyon.
Kakaharapin nito ang kasong paglabag sa RA 9165 o ang Comprehensive Dangerous Drugs Act of 2002.
