Patay ang isa habang isa naman ang malubhang nasugatan sa salpukan ng dalawang motorsiklo sa National Highway, Barangay Limbo, Sultan Kudarat Town, Maguindanao del Norte.
Kinilala ang mga nasangkot sa insidente na sina Isarael Kenon Mamoz, 18, taga Barangay Bulalo at si Abdul Aziz Zacaria na 25 anyos.
Sa imbestigasyon ng kapulisan, sakay ng isang TMX na kolong kolong si Kenon mula sa Cotabato City at patungo sa Barangay Gang habang sakay ng isang click na motor si Zacaria mula sa kabilang direksyon patungong Cotabato.
Mabilis ang takbo ni Kenon dahil sumali ito sa karera ng hindi nito mapansing papaliko si Zacaria na nagu-turn sanhi upang magsalpukan ang mga ito.
Sa lakas ng impact, parehas na nagtamo ng malalang sugat ang dalawa at naisugod pa ito sa ospital. Dead on arrival naman si Zacaria sa oagamutan habang nasa malubhang kalagayan naman si Kennon.
Dinala naman sa kustodiya ng Sultan Kudarat MPS ang dalawang motorsiklo na nasangkot sa insidente para sa masinsinang imbestigasyon.
