Ginawaran ng Ministry of Basic, Higher and Technical Education o MBHTE ng pagkilala at tig-P50,000 insentibo ang dalawang nanguna sa kani-kanilang licensure examinations.
Kinilala sina Aina Ashliah Karon Esmail na nakakuha ng Top 8 sa Nursing Licensure Examination matapos makapagtala ng 90.80%, at Ma. Ysabelle Tamayo Albores na nag-ranggo bilang Top 10 sa Psychometrician Licensure Examination na may 92.40%.
Isinagawa ang recognition ceremony noong Setyembre 29.
Iginawad ng MBHTE ang tig-P50,000 sa dalawang topnotcher bilang insentibo para sa kanilang natatanging resulta sa licensure examinations.
Samantala, binati ni MBHTE Deputy Minister Atty. Abubakar A. Katambak, na kumatawan kay Interim Chief Minister at Concurrent MBHTE Minister Abdulraof A. Macacua, ang dalawang topnotcher at ang paaralan.
