Nauwi sa madugong karahasan ang dapat sana’y masayang araw ng pagtatapos matapos barilin at sugatan ang isang fresh graduate sa labas mismo ng campus ilang sandali matapos ang kanyang graduation ceremony noong Huwebes, Hunyo 25, 2026.
Kinilala ang biktimang si Rodney, na kadarating lang sa kanyang milestone matapos magtapos sa kursong Bachelor of Technology and Livelihood Education (BTLEd) sa Kolehiyo ng Pantukan sa Barangay Kingking.
Ayon sa paunang ulat ng pulisya, naganap ang pamamaril bandang alas-12 ng tanghali kung saan binaril ang biktima ng mga hindi pa nakikilalang salarin, na nagdulot ng matinding komosyon at panandaliang takot sa mga kapwa nagtapos, mga magulang, at guro na naroon sa labas ng paaralan.
Agad na isinugod sa pinakamalapit na ospital ang biktima upang lapatan ng lunas habang patuloy na inaalam ang kanyang kondisyon.
Kasalukuyan nang nagsasagawa ng malalimang imbestigasyon ang Pantukan Municipal Police Station upang matukoy ang pagkakakilanlan ng mga suspek at mabatid ang motibo sa likod ng marahas na atakeng ito na naganap sa gitna ng tirik ng araw.
