Sinuri ng Ministry of Basic, Higher and Technical Education o MBHTE ang security measures sa ilang paaralan sa Cotabato City kasunod ng isang security threat incident sa Coland System Technology.
Pinangunahan ni Acting Deputy Minister Atty. Abubakar A. Katambak ang pagbisita sa Coland ngayong araw ng Lunes Setyembre 28, kasama sina Director for Basic Education at concurrent Schools Division Superintendent ng Cotabato City Johnny G. Balawag at Child Protection Policy Focal Person Najed Macarimbang.
Layunin ng pagbisita na alamin ang kalagayan at seguridad ng mga mag-aaral at school personnel, gayundin ang mga hakbang na ipinatutupad ng school administration.
Bumisita rin si Katambak sa Albert Einstein School bilang bahagi ng pagpapatuloy ng assessment at pagpapalakas ng school safety at security awareness.
Isinagawa ang mga pagbisita sa ilalim ng direktiba ni Interim Chief Minister at concurrent MBHTE Minister Abdulraof A. Macacua.
